CAERULEUM

CAERULEUM

inter Veter. pigmenta memoratur Plinio l. 33. c. 13. Caruleum, harena est. Huius genera tria fuêre antiquitus: Aegyptium, quod maxime probatur. Scythicum, hoc diluitur facile, cumque teritur, in quatuor colores mutatur, candidiorem, nigrioremve, crassiorem tenuioremve. Praefertur huic etiammum Cyprium. Accessit his Puteolanum et Hispaniense ------ Tingitur autem omne et in sua coquitur herba (glasto scil.) bibitque sucum. Reliqua confectura eadem, quae chrysocollae. Ex caeruleo sit, quod vocatur lomentum, perficitur id lavando terendove, et hoc est caeruleo candidius. Pretia eius, XXIII. in libras, caerulet XVIII. Usus in creta, calcis impatiens. Nuper accessit et Nestorianum, ab auctore appellatum. Fit ex Aegyptii levissima parte: pretium eius XL. in libras. Idem et Puteolani usus, praeterquam ad fenesras: vocant caelon. Non pridem apportari et Indicum est coeptum, cuius pretium XVII. in libras. Ratio in pictura ad incisuras; h. e. umbras dividendas a lumine etc. Et paulo post, Caerulei sinceri experimentum in carbone, ut flagret: fraus viola arida decocta in aqua succoque per linteum expresso in cretam Eretriam.